FR

LU

DE

EN

GESCHWËNN....

BENU SLO0W

Lancement vun der Websäit: 2. Quartal 2022

BENU SLO0W: Slow Food. Rescued Food. Zero Waste. Héich Qualitéit. Sozial Inklusioun. Jo, dat alles ass an engem eenzege Restaurant méiglech!

Dësen éischte “Rescued Food”-Restaurant an der Groussregioun huet sech als Zil gesat, 80 % vun den agesate Liewensmëttel als “gerett” ze benotzen, d.h. Bio-Liewensmëttel, déi vum Handel ofgeleent gi sinn, obwuel si d’EU-Normen erfëllen a vu beschter Qualitéit sinn. An deene meeschte Fäll ass d’Ofleenung zeréckzeféieren op eng schwankend Nofro oder op dat ästheetescht Ausgesi vun der Wuer: ze kromm, ze kleng, ze...

Mat enger Offer vun nohalteger, vegetarescher a veganer Kiche geet de BENU Restaurant de Prinzippie vun der Kreeslafwirtschaft an dem Upcycling no. D’Haaptzil vum Restaurant ass d’Sensibiliséierung vun der breeder Ëffentlechkeet fir d’Theema Liewensmëttelverschwendung weltwäit, an och lokal zu Lëtzebuerg.

BENU SLO0W ass eng Plaz fir z'entdecken an ze léiere fir jiddwereen dee sech fir innovativ Kichen interesséiert. Hei kanns Du Preparatiouns- a Konservéierungsmethode kenneléieren, déi e bëssen a Vergiess gerode sinn. Mat sengem Gesamtkonzept leet de Restaurant de Grondstee fir eng nei, nohalteg an informativ Gastronomieform zu Lëtzebuerg a wëll virun allem weisen, dass och eng kromm Muert exquisit a mat iwwerraschendem Geschmaach präsentéiert ka ginn!

  • BENU SLO0W
  • bitt eng originell an innovativ Bio-Kichen un,

  • ass eng Plaz vun der Entdeckung an der Inspiratioun,

  • versicht d’Verschwendung vu Liewensmëttel nohalteg ze bekämpfen,

  • rëselt wakereg, bezitt Stellung an diskutéiert Theeme ronderëm d’Liewensmëttelproduktioun a –verschwendung.

Déi éischt BENU SLO0W Websäit wäert viraussiichtlech Enn Juni 2022 online goen. Hei kanns Du méi Detailer iwwer de Start vum BENU SLOOW Restaurant gewuer ginn! Bis dohinner invitéiere mir Dech eis Haaptsäit www.benu.lu ze besichen.

Bléif mat eis a Kontakt

D’BENU-Welt